litenlibassa.com

 
 

 
 
 
 
You are here:
 
 

Kii i yé li oɓa jôl ?

Envoyer Imprimer PDF
AddThis Social Bookmark Button

Mbog i ɓéé  ɓ ɓasaa  ɓa  ɓé oɓa  ɓé môl tolelaa. Inyule hiiki jôl li gwé ndoñi. Di nlama yi le iɓale di nti man wés jôl tole  ɓés ɓo mede di oɓa ngim jôl, hala a mɓoñ le i mut a ɓé séɓla hala ni litén jé jolissôna li konde Nouk ni mahol.

ɓasàà ɓa nkal le “Mbog i yé makwo ma ñyéé, mbog i kwog mbog i nyodag”. Hala a nla ki koɓla le: Yom i mondo i yé i gwééne i nlômbi’yom, ndi yak nlômbi yom u témb u yilba yom mondo. Di yé di gwal man, di ti nye jôl li mut a ɓi wo, tole mañ’mut, ngôñ yés i yé i ba le, i mut nu a timba gwééne munu i man a ntip gwéé. Ni ki le, Man a yé a gwéé, a gwééne i litén. Litén li basôgôl sôgôl béé li. Nye ni ɓasôgôl Sôgôl béé, ba tiñi mu i litén li. Jôl ba nti nye li nhôla i adna ni ɓasôgôl sôgôl bé.  Inyu ɓoñ le, litén li konde nouk. Ka yé le, ɓoum i tjé ɓañ. I adna i i yé adna i matjél.

Naano ni i nguéda di yoñ môl ma lôg yuda kikii ɓo Paul, André, Emmanuel, claire, Jeanine di ɓii mo i pañ môl ma litén li ɓasàà kikii Nka’a, Wehiong, Ndombol, Ngo Matje, ngo Nyoɓe, hala a yé i nyéksa ɓassôgôl sôgôl ɓa litén li ɓassaa i hôlôs litén li lôg yuda. ɓaso ɓa ɓi yi hala, jon ɓa ɓi tjam môl map ni nkoñ isi wo nsôna.

Lelàa ɓasàà ɓa ɓéé oɓa môl?

Mbog i ɓéé ɓɓasàà ɓa ɓéé oba môl nya àà:

1.     Jôl li soɓa:

·        I nguéda man a ntip gwéé nsañ a ɓéé a ke a ɓo Ngambi. Ngambi i ti nye jôl li soɓa li man a ntip gwéé.

·        Nya ipe i ɓéé le i ngéda muda’a a yé jém, mam ma yé ma pémél nyé ɓo nlôm, ma nla ti bo pék inyou jôl lissoɓa li man.

·        Jôl li soɓa li nla ɓa kiñ i ñem (masséé, ndutu, botñem, Hémle) , nguim libak (Massôk, nubissou, Matip, maya’a ma nañ, etc...), tole jam li tôɓô tôɓô (Gwét, Nsañ, Mahol, Manyaka, Bissai, hala ni hala...)  

 

2.     Jôl li ndap Nyañ:

Li yé jôl li nsañ tole li nyañ, tole jôl li mut numpe i lihaa li bagwal ɓéé, tole yina yap. I mut nu a nla ɓa nwok tole a yii i niñ.

3.     Jôl li nsañ.

I len ini, man ɓasàà, to a gwé jôm li ɓon, ɓoɓasô ɓa gwé jôl li Nsañ. Ipañ jôl li ñsañ, jôl tole môl ma lôg yuda. Mbog i ɓéé ɓañ, mañgue a ɓéé a ɓana jôl li soɓa, jôl li ndap i nyañ, ni jôl li Nsañ.

Kikii ihéga: me yé Nka’a Ndong Mbon Mbog

Jôl jem li soɓa le : Mbôn Mbog (mut nu a nigil mbog)

Jôl jem li ndap nyañ (Ndap ini) le : Nka‘a (nsôgol wem. I pes i tata yem)

Jôl li nsañ (jôl li ta) : Ndong

 


Commentaires  

 
#3 Kine Nyam Simb 18-04-2013 18:37
J'écris exprès ce commentaire en français afin de permettre sa lecture par un grand nombre. Je félicite ce conseil. Et je tiens à ajouter ce qui suit: En imitation des occidentaux, tous les enfants portent le même nom celui du père. Pour les distinguer il faut recourir aux noms de baptêmes puisés des autres sociétés et croyances. Pourtant le basaa se réclame d'être apparenté aux juifs. Que constatons-nous dans la société juive? Les noms des générations ne sont pas uniformes ainsi que nous le témoigne la généalogie de Jésus Christ et nos propres généalogies depuis Ngog Lituba jusqu'à la génération d'il y a 100 ans. Réfléchissons y et soyons nous mêmes et non les autres.
 
 
#2 gwate bikoi jean gui 08-12-2012 16:29
mè bon moo ma kaka'o , ngo on lè mè nunga moo, ni lè bot ba hola mè lini djam , maan ndog béa makak ma njock tén tén i likonguè li baya log nlaal mandjack mlog
 
 
#1 wanda 03-12-2012 05:01
bel article!
 

Il est obligatoire d'être enregistré pour commenter cet article.
Les bassanautes sont invités à un comportement responsable. Des commentaires à caractère injurieux, xénophobe, diffamatoire ou incitant à la haine seront supprimés et leurs auteurs interdits d'intervention sur ce site. Nous invitons donc les uns et les autres au respect mutuel.