You are here:
 
 

Hôpital central de Yaoundé : Bagwel minson ba bat banga nsaa

Envoyer Imprimer PDF
AddThis Social Bookmark Button

 Hôpital central de Yaoundé(Hcy), Ngeñ sambog ni pes (7 :30) i bikekela. Hala a nkah ke dilo da’a (3) le basal munu i homa matipla nunu ba bi téé minson. Limut li ñyon i lijubul li dokta ni mabam ma matila. ba nlôdôl Ngomna le a bédés minsaa nwap. « Di nti bé maéba le ni lo habañ hina i dokta lini. Inyule ndég ngéda, to mut a ga ba bé hina inyu tibil bakokon. » Wada wap a kalag.

 

 I nene le nson u bi bôg u telep i hilo 21 hi sôñ matôp (4), nwii 2014. Bôt ba bi neebe témb i bôlô inyule nkena hikuu hikeñ hi mam ma nyuu mbôô I loñ I kamerun le Sango Mama Fouda a bi bôn bo mam ngandag I njel I lémés nson wap. Ndi wee bi len ! Len ini, to yom I mboñga bé. Kikii ngim nwii I ntagbe, ba tehe bé to jam, jon ba bi témb ba kal le ba ntéé minson I dilo 2 di soñ matôp, nwii 2015. Ndi sango minister a bi témb a kwel ni bo, ba neebe le ba mbem ndég ngéda ilo ba ntéé ki nson. Ndi I nene le i boma i bi tagbe I dilo 25 di sôñ Mpuye, nwii 2015, sangô Mama Fouda ni dikuu di ba pôdôl bagwel minson mi matibla (Cap santé ni Synpems) ba bi nôgla bé.

Hala ni nyen i dilo 11 di sôñ mpuye, nwii 2015 likalô li bi témb li tina le nson u nlama telep i ma ndap ma matibla ma lôg ngomin i hilo hi bisu hi sôñ hilônde, nwii 2015 (01/06/2015). Sango Prosper Ekassi nu a yé mut matibla nyoo i dokta li keñi li Ngola a nyen mpot : « Kii sangô Mama Fouda a nyi le di nsômbôl téé nson, ndi a kah bôn bés mahôla. Inyukii ngomin a ntééda bé bés loñge ? inyu kii a nti bé bés lipém ? inyu kii Ngomin a ñemble bé minlondog nwés ? Di bôdôl bañ bad le ba bédés minsaa nwés ! Môm mana ma di kôô (40 000 cfa) i lisuk li sôñ di kôli bé inyu niñis bés ni mandap més. Di yé ba sañ mbai ni banyañ mbai. Inyu kii lôg ngomin i ngwélél bés kikii minkol ? »

Limut li mbénge i jam lini ni woñi ngandag, woñi inyu matipla i loñ yés. I ga ba laa, ibale ba nyôi bakokon ni ndutu yap ? Sango Luc Awono nu a nkena homa matipla wada nyen a anal le :”Masañ mana, kikii bôt ba ntéé nson wap, di nyoñ makidik inyu boñ le bakokon ba bana ndék i bee ni mabéngba. Di nembe boñ i ndég yag bés di nla ni ñem u konangoo. Hala kikii baénél ban ntop bé emble bés, di ga kena makidig més ni bisu. Bebeg kii ba ga téhé mim mi niñi ndi ba nog. »

 

© Mutations : Thierry Etoundi

Nkobol ni basaa : Lama Ngonda

Il est obligatoire d'être enregistré pour commenter cet article.
Les bassanautes sont invités à un comportement responsable. Des commentaires à caractère injurieux, xénophobe, diffamatoire ou incitant à la haine seront supprimés et leurs auteurs interdits d'intervention sur ce site. Nous invitons donc les uns et les autres au respect mutuel.