litenlibassa.com

 
 

 
 
 
 
You are here:
 
 

Joseph-Désiré Job : "Me ngi gwé ntoñ ni Mbondonjéé"

Envoyer Imprimer PDF
AddThis Social Bookmark Button

Ntuk ndamb makôô le Job nu a ntip sane ni hikip hi Belgium a ntimbhe Eric Roland Kongou

Bôt bobasô ba hoñlak le mam ma mal we. Ndi u mpuhe bés ni majôp moñ i hikip hi Belgium.

Me nok bé inyu kii bôt ba nhoñol le me mal. Me ntip sane ni Lierse Sport Kring. Mam momasô ma bi kidna i dilo 31 di Kondoñ. Hala kii me bi nyodi i hikip hiem hi Turki, me bé le me sane ni tonje. Lierse Sport Kring a yé man hikip i mbai kii Lens, tole Nante i Pulasi.Hikip hi ngi yiine i nlôñ u nyônôs iba u pénsan ipôla dikip di loñ, ndi hi nsômbôl bet i nlôñ bisu. Jon nkena hio le Sangô Maget, mam Egiptô a nsébél batuk ba ba gwé nom’bôlô le ba loo i ti ngui. I len ini, di yé hikip hi bisu i nlôñ u nyônôs iba i pémsan ndamb makôô i Belgium.

We ni Rudolph Doualla Mbella ni bi nsane nlélém ilo.

Mbale i. Me yé masé i ba ni Doualla Mbella i Belgium. Me nsane ndik inyu sôñ ina. Hala a nke me inyule  a nti ngéda i tehe lela hikip hi nke, ilo di mba di mal lini liben li ntuk. Kii me yé i Belgium, hala a nla hôla me i kônde téba i hikip hi loñ yés Kamerun. Me bi sôga séblana i nwii u ntagbe. Me ntehe le bakena ikip ba malak bé oñ hio, ndi ki pémsan biloñ bi Nkoñ Isi i yé len sôñ aa.

Mbale i le Paul Le Guen a ngi léñlak dikip di Erôpa inyu léba bon ba loñ…

Maliga ma. hikip hiés hi nyonok bé; ndi kile mintuk mi nlama mbôdôl len sôñ aa. Hiki mut a ntehe le nkena hikip a nsômbôl ti hio mbimba, jon a nyiñil batuk ba ba gwé nom’bôlô. Me nyi bé bi mbe biyimbne a ngwélél inyu tep bôt béé. To nje mut a nla bana ntoñ. Ibale me gwé biyimbne bi a nyéñ, ki me ga la téba. I pes yem, me nyi le me gwé bisélél, ilo Mpuye (sôñ itan) u ba u ntagbe, me ga bana ki ngui iloo len ini. Me yé banga njo nsañ nkeñi, me ñyi ki i nsombla. Me mbem ndik nsébla

Di ntehe le u ngi gw
é makénd. Ndi i nwii nwoñ (Nwii 32), di nla kal le bimañ bi ngwel we....

(a nol). Me ñyi bé kii ni nsébél bimañ. Hiki mut a nyi le me bi gwééné i Pulasi ni le mbale i le me gwé 32 ma nwii. Ngim bôt ipe i nhoñol le bitembee bi. Ndi bé bomede ni nla bé tañ le bisega gwem kiki  bo Didier Drogba bi ngii tuguk loñge. Hoñol yem i yé le nseñ u yé ndik le bol i tuga loñge.

Ni hôya bañ le me m’a tuk pémsan i Nkoñ Isi iba (1998 ni 2002). Hala a ta bé nso jam. Me nla tuk kii mbiñ ikip tole kii mut mahénha. Hkip hi ngi ôñga, nkena a ngi yéñég batuk, me nlehel bé ñem, me hoñol le yak me me nla ke i Si Afrika.


 

 

Lipem li Mutation ; Nkobol ni hop u basaa : Jeanine Nyobe



Commentaires  

 
#5 25-09-2011 19:03
vraiment content de retrouver des articles de ce genre bien que je me debrouille un peu dans cette langue de mes grands parents.
 
 
#4 30-07-2011 01:31
I loved your blog and eapecially your post about Joseph-Desire Job : "Me ngi gwe nton ni Mbondonjee". Thank you very very much for your work.
 
 
#3 23-05-2011 19:48
Now this one is what I've been looking for. Would be giving you credits on the way how you deliver this great insight. Such an interesting story.
 
 
#2 09-09-2010 09:19
Excellent translation job Jeanine Nyobe.
Keep doing what you doing for Bassaa Communuty, we appreciate it.
Thank you
 
 
#1 01-04-2010 12:59
a Redaktion....ngandag..

Nweha
 

Il est obligatoire d'être enregistré pour commenter cet article.
Les bassanautes sont invités à un comportement responsable. Des commentaires à caractère injurieux, xénophobe, diffamatoire ou incitant à la haine seront supprimés et leurs auteurs interdits d'intervention sur ce site. Nous invitons donc les uns et les autres au respect mutuel.